EMILY Schuster

Te whakaoranga o te raranga

Wellbeing

Home

Tūhourangi, Ngāti Wāhiao,

Ngāti Hinekura, Tūwharetoa

I whānau a Emily Schuster i te tau 1927.  Nā tōna tohungatanga i te ao o te raranga i eke ai ia ki nga taumata tiketike o tērā wāhanga o te ahurea Māori.  Nā ōna kaumātua me ōna uri o Te Whakarewarewa ia i mātau ai ki ngā mahi raranga i a ia e tamariki tonu ana. Ko te kaiārahi rongonui, ko Rangitiāria tōna whaea kēkē.  I whakapau kaha a Emily ki te whakaako i ngā mahi raranga i a ia e ora ana. 

 

He mea whakaako a Emily i a ia e nohinohi tonu ana e māori noa ai tērā momo mahi ki a ia.  Ko te tapahitanga me te whakaritenga o te harakeke te mahi tuatahi i ako ai ia, kātahi ia ka ako i ngā momo mahi rerekē i a ia e pakeke haere ana.  Nā tōna whānau hoki ia i mārama ai ki te whakahirahiratanga o te oranga tonutanga o te mahi raranga kia tika.

 

I mārama a Emily ki te ngaronga haeretanga o te mahi raranga.  Nā reira i riro ai i a ia te tūranga o te Tohunga Raranga Matua o te wānanga toi e kīia nei ko te New Zealand Māori Arts and Crafts Institute i te tau 1967 i whakapau kaha ai ia ki te tuku i te mātauranga ki ngā ākonga o taua kura rā.  I haere ia ki ngā tōpito o te ao ki te tuku i te mātauranga, ki te whakaako hoki i ngā iwi maha e ora tonu ai te taonga whakahirahira rā. Nāna hoki ētehi tira raranga i tū ai, arā, a Aotearoa Moana-nui-a-Kiwa Weavers me Te Rōpū Raranga Whatu o Aotearoa.

 

I whai wāhi a Emily ki ētehi rōpū hapori me ētehi komiti, arā, ki te Women’s Health League.  Ahakoa hoki āna mahi me āna kaupapa huhua, nāna hoki āna tamariki tokoono i whakahaere. 

 

I te tau 1983, he mea whakawhiwhi ia ki Te Tohu Hapori (QSM), ā, i te tau 1994 ka whakawhiwhia ia ki Te Tohu Mema o te Ōta o te Emepaea o Ingarangi (OBE) hei tohu whakanui i āna mahi katoa i tutuki ai i a ia i roto i te hapori whānui.

 

I mate a Emily i te tau 1997.  I te tau 2017, e rua tekau tau i muri mai i tana matenga, ka whakaaturia āna taonga maha i mahi ai ia i ngā tau i tētehi whakakitenga i Te Puia, korowai mai, kete mai, tāniko mai, aha mai, aha kē atu mai hei titiro mā te makiu.

Qualities: innovation, identity, relationships, scholarship, wellbeing

More to watch:

http://www.maoritelevision.com/news/regional/prominent-weaver-emily-schusters-work-remembered

 

More to read:

See photographic portraits of Emily Schuster by famous photographer Brian Brake and her work:

https://collections.tepapa.govt.nz/agent/28761

From Rotorua Library:

Te ringa rehe: the legacy of Emily Schuster (Ane Tonga)

Pū manawa: a celebration of whatu, raranga and tāniko (Megan Tamati-Quennell)

 

More to listen to:

Hear Emily Schuster herself talking about the art of raranga in 1977 as part of a He Rerenga Korero interview by Whai Ngata aired on Radio New Zealand:

https://www.radionz.co.nz/national/programmes/teahikaa/audio/2563318/nga-taonga-korero-emily-schuster
 

This entry is related to these other entries:

Te Arawa fibre arts

Sources:

http://www.rotoruamuseum.co.nz/media-releases/2017/11/10/te-arawa-legacy-now-inspiring-new-generations-weavers/