I

Hine-i-turama

Taumata rau

Wellbeing

Home

Ngāti Whakaue

He mea whakapakeke te wahine maruwehi a Hine-i-tūrama o Ngāti Whakaue i Ōhinemutu e te whānau Te Amohau i ngā tau o te 1800.

 

I a ia e taiohi tonu ana ka taumauhia a Hine-i-tūrama ki a Phillip Tapsell nō te whenua o Tenemāka.  I taua wā rā, i te takiwā o te rima tekau mā rima tau te pakeke o Phillip, tōna whā tekau tau te rerekētanga o te taipakeketanga.  Ko te haumarutanga o te whānau Tapsell te take matua o te taumau. Nā te hononga whakapapa ki te rangatira o Ngāi Te Rangi, ki a Tūpaea i kore ai a Hine-i-tūrama me te whānau Tapsell i patua e Ngāi Te Rangi me Te Arawa i a rāua tahi e pakanga ana i taua wā.  I tae hoki a Hine-i-tūrama me tana tāne ki tō Tūpaea ki te whakatau i te pūehu i waenga i a rāua ko Te Arawa.

 

I haumaru te noho a te whānau, heoi, kāore noa iho i roa ka tū anō te puehu.  Nā te patunga a Haerehuka o Te Arawa i a Te Hunga o Ngāti Hauā i whāia rawatia ai ia e Waharoa e ngaki ai ia i te mate rā, heoi, ko te whare me te toa o te whānau Tapsell i Maketū kē te utu.  I ngana a Ngāti Hauā ki te kāwhaki i a Hine-i-tūrama, heoi, nā te wahine a Tūpaea, nā Murupara kē tērā i aukati atu.

 

He mea whakakotahi te whānau ka whakatika atu ai ki Mokoia e haumaru ai rātau.  I hapū a Hine-i-tūrama i tērā wā, nō reira, i uaua tāna haere e tae ai ki te wāhi haumaru.  Ka whānau mai tāna tama i Mokoia ka tapaina ai ki a Retireti hei tohu whakamaharatanga ki te taumahatanga i tau ai ki tō rātau whānau i Maketū.

 

I muri mai i te kōkiritanga ka hoki anō te whānau Tapsell ki Maketū ka haere ai mā runga kaipuke ki Poihākena ki te hoko utanga hou hei hoko atu mā rātau.  I te hokinga ki te kāinga ka tau ki Whakatāne, ā, nā reira i moea ai rāua e te Pīhopa Katorika, e Pompallier. Nāna hoki ā rāua tamariki tokoono i iriiri.

 

Ko taua āhua anō rā, i ngana anō a Hine-i-tūrama ki te whakatau i te puehu i tana whakahē i te patunga o tētehi wahine i kāwhakina ai e Te Arawa hei ngaki i te utu o tētehi kāwhakinga e Ngāti Hauā.

 

Ka wehe a Hine-i-tūrama i Whakatāne i te tau 1864 ki te toro i tāna tamāhine, i a Ewa.  Nā rāua ko tana tāne, ko Robert Hooper te Kīngitanga i kaha tautoko i Ōrākau, i te rohe o Waikato.

 

Ka whai wāhi a Hine-i-tūrama rāua ko Ewa i te pakanga rā i te 2 o Apireira, i te tau 1864.  Ka mate rāua tahi, ā, ka nehua i te kauhanga o te riri i te taha o ngā tini Māori i mate hoki ai i reira.

 

I te tau 1978, ka huraina tētehi kōhatu whakamaharatanga i te urupā o Wharehau hei tohu whakanui ki te wahine autaia rā

Qualities: relationships, wellbeing

More to read:

From Rotorua Library:

About Hine-i-tūrama’s sons:

Tapihana: a brothers in arms (Russell Caldwell)

http://teaohou.natlib.govt.nz/journals/teaohou/issue/Mao74TeA/c5.html

Tangata whenua: a history (Atholl Anderson)

 

More to listen to:

Hear Ngāti Rangiwewehi perform a waiata about Hine-i-tūrama at the New Zealand Polynesian Festival way back in 1981!

https://www.ngataonga.org.nz/collections/catalogue/catalogue-item?record_id=226898

 

This entry is related to these other entries:

Maketū: Te Arawa’s first settlement in a new world

 

Sources:

https://teara.govt.nz/en/biographies/1h22/hine-i-tūrama-ngatiki