Wellbeing

Home

Hinemihi o te karu kapa

Tūhourangi,

Ngāti Wāhiao

I ora rawa atu te kāinga o Te Wairoa i ngā tau o te 1880 i te ahumahi tāpoi i whakahaerehia ai e te kotahi rau rima tekau tāngata i noho ai ki reira nāna tonu nei a ngāi manene i tiaki, i te ārahi hoki i tā rātau taenga atu ki te kite i a Ōtūkapuarangi me Te Tarata.  Ahakoa te nui o te utu, i pīrangi tonu ngā rāwaho ki te haere ki ngā tūāpapa rā i Rotomahana. I te takiwā o te whā mano pauna te nui o te pūtea i whiwhi ai rātau i ia tau.

 

Whakangahauhia ai ngā manuhiri i roto i te whare o Hinemihi, kātahi rātau ka haere mā runga waka i Rotomahana.  He mea whakakapi ngā karu pāua o ngā whakairo o Hinemihi e ngā karaone.

 

I whakaritea hoki ngā haerenga i roto i a Hinemihi.

 

I te pō o te pahūnga, ka tāwharauhia te tokomaha e Hinemihi.  E ono tau a Hinemihi e tū kau ana i te paru i Te Wairoa. Heoi, i te tau 1892, ka hokona a Hinemihi e te Tianara Kāwana, e Rōre Onslow, ka mutu, rima tekau pauna noa iho te utu.

 

He mea turaki a Hinemihi ka tukua atu ai ki te Pāka o Clandon, i Surrey, i te whenua o Ingarangi i tū tuatahi ai ia hei whare poti.

 

Nā wai rā, ka nukuhia ia ki te pātītī e pātata atu ai ia ki te whare matua o Clandon.  I muri mai i Te Pakanga Tuatahi o te Ao ka whakaaetia te tono kia tiakina a Hinemihi me te whare o Clandon e Ngā Kairāhui Papa i aro nui ai ia ki te kaha tiaki i ngā whare e rua.

 

I whakahouhia a Hinemihi ki tētehi marumaru raurau – he pōhēhē nō te āhua o te mātotoru o te paru i tau ai ki runga i a ia.

 

He rite tonu te whakahouhia o Hinemihi e Tūhourangi, inarā, e te whānau o Emily Schuster.

Qualities: identity, relationships

More to watch:

From Tales from Te Papa, Ta Moko Panel, episode 24:

https://www.stuff.co.nz/entertainment/arts/85241386/hinemihi-the-maori-meeting-house-far-away-from-home

Light and sound broadcast on to Hinemihi in 2014:

https://www.youtube.com/watch?v=QmU7BOf3ATo

On preserving Hinemihi:

http://www.maoritelevision.com/mi/purongo/purongo-hou/applications-submitted-refurbish-hinemihi

More to read:

http://www.massey.ac.nz/massey/about-massey/news/article.cfm?mnarticle=light-shone-on-remarkable-story-of-hinemihi-09-06-2014

https://collection.rotoruamuseum.co.nz/objects/8451


 

This entry is related to these other entries:

Tene Waitere: Raranga Whakairo; Alfred Warbrick’s Brave Rescue Efforts

 

Sources:

Rotorua Museum Te Whare Taonga o Te Arawa