Tawharakurupeti

A mighty battle

Ngāti Whakaue, Ngāti Tūnohopū,

Ngāti Te Roro-o-te-Rangi, Tūwharetoa

Wellbeing

Home

Nā ngā rangatira o Ngāti Whakaue, arā, nā Te Roro-o-te-rangi rātau ko ōna teina, ko Tūnohopū, ko Te Kata tā rātau ope tauā i ārahi ki te kauhanga o te riri i tū ai ki Tāwharakurupeti.  Ka tū rātau ki tētehi ururua e kitea ai te ope hoariri e whakatata mai ana i te tonga.
 
Kātahi a Ngāti Whakaue ka kite i te tokomaha o Ngāti Tūwharetoa i tae takitini mai e mōhio ai rātau ka hinga rātau i a Ngāti Tūwharetoa.  Nā Te Roro-o-te-rangi tonu ana toa i whakakipakipa ki āna kupu akiaki e maumaharatia tonuhia ana e ngā uri:
 
Ruia taitea, ruia taitea, kia tū ko taikākā, ko ahau anake.
He whakataukī e tohu ana kia ruia te wāhanga ngoikore o te rākau kia waiho noa ai ko te wāhanga kaha rawa atu o te rākau anake kia tū.  Ko te whakamāoritanga o tēnei kōrero e tohu ana kia wehe te hunga mataku e waiho noa ai ko te hunga kaha anake ki te whawhai i te whawhai nui.  
 
Ko te patunga o Te Roro-o-te-rangi, o Te Kata me te rahinga o te ope te otinga atu.  Engari anō a Tūnohopū, i whawhai ia mō te hemo tonu atu kia pō noa te ao i whakaaweawehia ai te ope hoariri i whakaaehia hoki ai ia kia ora tonu ia.

Qualities: identity, relationships

More to watch:

https://www.nzonscreen.com/title/kairakau-episode-one-2016/quotes

 

More to read:

Pukaki: a comet returns, by Paul Tapsell

Tūnohopū: Te kuku o te tangata, by Te Taumata o Ngāti Whakaue Iho-Ake Trust (Te Taumata)

 

More to listen to:

Hear Te Roro-o-te-rangi’s whakatauki being spoken and explained here by his descendant Ngataiharuru Taepa no Te AtiAwa:

https://www.radionz.co.nz/national/programmes/teahikaa/audio/20175143/whakatauaki-mo-19-o-paenga-whawha-april-2015

 

This entry is related to these other entries:

Tūnohopū: Te kuku o te tangata;

 

Sources:

Te Taumata o Ngāti Whakaue Iho Ake Trust - Te Rangihakahaka Wānanga Workbook.